ب مەرەما ڤەکرنا کۆمەکا پروژەیێن تمام بووین و ژنێزیکڤە دیتنا پرۆژەیێن کار ل سەر دھێنە کرن و بریاردان ل سەر جێبجیکرنا ھندەک پرۆژەیێن دی ئەڤرۆ سێ شەمبی 26-1-2021 پارێزگارێ دھۆکێ (دکتور عهلی تهتهر) سەرهدانا دهڤهردارییا شێخان کر, دەستپێکێ ئۆڤەرپاسا باعەدرێ ژ لایێ پارێزگارێ دھۆکێ و ب ئامادەبوونا سهردار شێخ یهحیا دهڤهردارێ شێخان و مهحمود ئێزدی برپرسێ لقا ٢٠ یا پارتی یا دیموکراتا کوردستان ھاتە ڤەکرن.
ههر ئهڤرۆ دوو پارك ژ لایێ پارێزگهریڤه ل سەنتەرێ باژێرێ شێخان ھاتنە ڤەکرن، ھەروەسا ھەندەک جادەیێن ناڤخۆیی ب کوژمێ ٢٥٠ ملیۆن دیناران ل سەر بودجەیێ تایبەتی یا پارێزگەھا دهۆکێ
ھاتبوونە چێکرن ل سەنتەرێ باژێرێ شێخان ھاتنە ڤەکرن.
ههروهسا سهرهدانا پرۆژهیێ بازارهكێ ههڤچهرخ و نهخۆشخانا بێنجى تهختى ههوارهاتنێ ل شێخان كر كو نها د قۆناغا ئاڤاكرنێ دا نه.
ھەروەسا د درێژاهییا سەرەدانا خۆ دا پارێزگارێ دھۆکێ سەرەدانا مالا (میر حازم میر تحسین بهگ) میرێ ئێزدیێن كوردستانێ و جیهانێ کر و ھەروەسا تاجا گولا ل سەر کورێ میر تحسین بەگ دانا، و پاشان سەرەدانا پەرستگەھا لالشێ کر.
د پرێکونفرانسەکێ پارێزگارێ دھۆکێ راگەھاند: پرۆژەیێ جۆت سایدکرنا پەرستگەھا لالشێ ب کوژمێ ٦٠٠ ملیۆن دیناران ژلایێ حکومەتا ھەرێما کوردستانێ بۆ ھاتییە تەرخانکرن و دێ ھێتە بجهئینان.
خانی نیوز، قهحتان بیهى
