بالیوزێ گشتى یێ ئه‌مریكا ل به‌غدا ماسیو تۆله‌ر و قونسلێ ئه‌مریكا ل هه‌ولێرێ رۆبێرت واله‌ر د سه‌ره‌دانه‌كا فه‌رمى دا سه‌ره‌دانا قه‌زا شێخان كر و دگه‌ل ده‌ڤه‌ردارێ شێخان سه‌ردار شێخ یه‌حیا كومبون.
ده‌ڤه‌ردارێ شێخان تایبه‌ت بۆ خانی نیوز گۆت: د كۆمبوونێ دا بالیوزێ ئه‌مریكا پشته‌ڤانی و هاریكارییا خۆ یا ته‌مام بۆ ده‌ڤه‌ردارییا شێخان دیاركریه.
ناڤهاتى گۆت ژى: شاندێ مێهڤان پشته‌ڤانییا وێ یه‌كێ كریه كو رێك بهێته خۆشكرن داكو ئاواره‌یێن شنگالێ ژ بۆ ده‌ڤه‌رێن وان بهێنه ڤه‌گه‌راندن.
سه‌ردار شێخ یه‌حیا دیاركر ژى كو بالیۆز و قونسلێ ئه‌مریكا پشته‌ڤانییا خۆ بۆ پێشڤه‌برنا كه‌رتێ گه‌شت و گوزارێ ل ده‌ڤه‌ردارییا وان دیاركر.
د سه‌ره‌دانا خۆ دا بۆ ده‌ڤه‌ردارییا شێخان بالیوزێ ئه‌مریكا سه‌ره‌دانا بابه شێخێ ئێزدیان كر ب مه‌ره‌ما پیرۆزباهیا وى وه‌ك بابه شێخێ نوو یێ ئێزدییان.
خانى نیوز، قه‌حتان بیهى
