بریاردەرێ لژنا بەرگری و ئاسایشێ ل پەرلەمانێ ئیراقێ بۆ خانی نیوز دیارکر: رێکخراوا داعش وەکو رێکخراوەکا تیرۆرستی و مەترسیدار ل ئیراقێ مایە و چالاکی و ئەندام و گرۆب و شانێن وێ یێن نڤستی زێدەتر لێ ھاتینە.
ناسر ھەرکی بریاردەرێ لژنا بەرگری و ئاسایشێ ل پەرلەمانێ ئیراقێ ئەگەرێ زێدەبوونا چالاکیێن داعشێ بۆ نەبوونا ھەماھەنگی و ھاریکاریا لایەنێن سەربازی و نەبوونا بریارەکا مەرکەزی یا سەربازی ل ئیراقێ ڤەگەراند و گۆت: ئەڤە ھەموو رێکخوشکەرن بۆ داعش کو بشێت چالاکیێن خوە ئەنجام بدەت.
ھەرکی خویارکر ژی: ئیراق نەشیایە وەکو پێدڤی ھێزی ل ھندەک دەڤەران وهکو دیالە و حەوزا حەمرین و عوزێم و سێگوشەیا سەلاحەدین و کەرکوکێ جێگیربکەت، دیسان ئەو بۆشایا دناڤبەرا ھێزین پێشمەرگە و سۆپایێ ئیراقێ دا ھەی کو ھەموو بووینە جهـ و مولگهیێن داعش و ب ساناھی ھاتن و چوونێ دکەن.
ناسر ھەرکی دا زانین ژی کو چالاکیێن داعش ل ئیراقێ زێدەبووینە و ئەو چالاکییا وان بەری نھا ل بەغدایێ ئەنجامدای مۆرالا وان زێدەتر لێ دکەت کو چالاکێن خوە زێدەکەن و ھیشتا مەترسییا داعشێ ل سەر ئیراقێ ھەیە.
خانى نیوز، عهبدوللا عهلى
