رێكخستنا ساخله‌مییا جیهانى راگه‌هاند، هژمارا وان وه‌لاتێن ڤایرۆسێ نوو یێ كۆرۆنایێ لێ به‌لاڤبووى گه‌هشتییه 70 وه‌لاتان.
رێكخستنا ساخله‌مییا جیهانى د راپۆرته‌كێ دا دیاركر، ڤایرۆسێ نوو یێ كۆرۆنایێ ل 70 وه‌لاتێن جیهانێ به‌لاڤبوویه و دده‌مێ 2 هه‌فتیێن بوورى دا ل 10 وه‌لاتان به‌لاڤبوویه.
خویا ژی كرییه، ڤایرۆسێ نوو یێ كۆرۆنایێ ل وه‌لاتێن باشوورێ ئه‌فریقییا ب له‌زتر به‌لاڤ دبیت و تا نها ل 31 وه‌لاتێن وى كیشوه‌رى به‌لاڤبوویه.
ل گوره‌ى دووماهى ئامار، ژ ده‌مێ سه‌رهلدانا ڤایرۆسێ كۆڤید-19 ل سالا 2019 ێ تا نها 101 ملیۆن و 441 هزار و 177 كه‌س تووشى ڤایرۆسى بووینه.
د هه‌مان ده‌م دا، ئاژانسا نووچه‌یێن فره‌نسا، پشت به‌ستن ب ئامارا رێكخستنا ساخله‌مییا جیهانى دیاركر، تا نها 2 ملیۆن و 184 هزار و 273 كه‌سان ژ گیانێ خوه ژ ده‌ست داینه.
