ل ژێر چاڤدێریا د.عەلی تەتەر پارێزگەرێ دھۆکێ، ژڤانە ١-٢-٢٠٢١ پەنەلەک ل دۆر گەشەپێدانا ئابووری و رێکێن ب دەست ڤە ئینانێ ل پارێزگەھا دھۆکێ دھێتە ئەنجامدان، چەندین شارەزایێن ئابووری و کەرتێ تایبەت پشکداریێ تێدا دکەن.
عەبدولرحمان جەعفەر دۆسکی، رێکخەرێ پەنەلی بۆ خانی نیۆز گۆت: سەرێ ھەیڤا شواتێ چالاکیەکا گرنگ دھێتە سازکرن کو ژ پەنەلەکی پێک دھێت ل دۆر گەشەپێدانا ئابووری و رێکێن ب دەستڤە ئینانێ ل پارێزگەھا دھۆکێ، پەنەل دێ سێ تەوەران بخۆڤە دگریت، ئێک ستراتیژیەتا ئابووری، یا دووێ پێزانین و بابەتێن گرێدای ئاستەنگێن ئابووری، تەوەرێ سیێ رۆلێ کەرتێ تایبەت د گەشەپێدانا ئابووری دا ل پارێزگەھا دھۆکێ
ناڤهاتى گۆت ژى: ھەتا ١٣ کەسان دێ پشکداربن و چەندین کەسایەتیێن دی ب رێک ئۆنلاین دێ پشکداریێ کەن.
عەبدوالرحمان دۆسکی ئەو ژی گۆت: ھەر کەسەکێ خودان کۆمپانی یان ئابوورناس دشێت پشکداربیت ب رێکا ئونلاین، ل رێکەفتی ٣١-١-٢٠٢١ دێ لینکێ پەنەلی ھێتە بەلاڤکرن، گەلەک کەنال ژى دێ ب شێوەکێ راستەوخۆ ئەڤی پەنەلێ ئابووری ڤەگوھێزن.
خانی نیۆز، سالار محەمەد دۆسکی
