پشتی سەرەدانا (علی تەتەر) پارێزگارێ دھۆکێ بۆ پەرستگەھا لالشێ بریار ھاتەدان کار ل سەر پرۆژەیێ جۆتساید کرنا پەرستگەھا لالشێ بھێتەکرن.
پروژەیێا جۆتساید کرنا پەرستگەھا لالشێ ب درێژاھیا ھزار و ٢٥٠ مەتران دێ بیتە جۆتساید و حکومەتا ھەرێما کوردستانێ کوژمێ ٦٣٧ ملیۆن دینارێن ئیراقی بۆ تەرخانکرینە و ماوەیێ پرۆژەی ٢٧٠ رۆژن.
پێشتر ژی پارێزگارێ دھۆکێ راگەھاند بوو مەرەم ژ بجھئینانا ڤی پرۆژەی رێک خۆشکرنە بۆ سەرەدانکەرێن پەرستگەھا لالشێ ب گشتی و خوشک و برایێن وان یێن ئێزدی ب تایبەتی کو سالانە ھزاران سەردانیکەر ژ ناڤخو و دەرڤەیا ھەرێما کوردستانێ ب تایبەت ل وەرزێ بھارێ سەردانا پەرستگەھا لالشێ دکەن.
پەرستگەھا لالش پیرۆزترین جھێ ئۆلی یێ کوردێن ئیزدییە و د کەڤیتە سنورێ دەڤەردارییا شێخان ل پارێزگەھا دھۆکێ، سالانە ھژمارەکا زۆر یا رێورەسێن ئۆلی و جەژن و ھەلکەفتێن وان ل وێ پەرستگەھێ دھێـتە کرن.
خانی نیوز، قەحتان بیھی
