ژئەنجامێ پێلا بەفر بارینێ ل سنورێ پارێزگەها دهۆکێ ب تایبەتی ل دەڤەرێن چیایی؛ پڕانییا ڕێکێن گوندان و هندەک ڕێکێن سەرەکی هاتینە گرتن ژ وان ژی ڕێکا سەرەکییا باتیفا بۆ بێگوڤا و دگەل دا ژی پرانییا ڕێکێن گوندێن سنورێ ناوچەدارییا باتیفا هاتنە گرتن .
عیماد سالح وەلاتیەکێ باتیفایە بۆ خانی نیوز ڕاگەهاند: هەژمارەکا وەلاتییان یێن شوفێر ل ڕێکا چەپێن گوندێ زرێزە یێ دناڤبەرا باتیفا بۆ بێگوڤا ماینەئاسێ.
ل دۆر ڤێ چەندێ مە پەیوەندی ب ڕێڤەبەریا ڕێک و پران کر لێ تەلەفون گرتی بوو.
هەروەسا وەلاتیەکێ کۆمەلگەها بێگوڤا دازانین: ئامیرێن ڤەکرنا ڕێکێ ل گوندێ قومریێ بۆ لایێ بێگوڤا دهێن کو ڕێکێ ڤەکەن. گۆت ژى: هەتا نوکە نێزیکی (١٠) گوندێن سنورێ ناوچەدارییا باتیفا ڕێکێن وان ب زەحمەت کەتینە و هاتینە گرتن.
خانى نیوز، نزار مەجید
