رێڤەبەرێ سەخبێریا رێک و پرا ل پارێزگەها دهۆکێ بۆ خانی نیوز گۆت: وان حەفت تیمێن رامالینا بەفرێ هەنە و باشترین ئامیرێن پاقژکرن و ڤەکرنا رێکان د گەل دانە بۆ ڤەکرنا رێکێن هاتنوچوونێ.
نەشوان یەحیا ئاشكرا كر، شڤێدێ چار تیمێن رامالینا بەفرێ ل کانی ماسی و گارە و سەرسنکێ وبێگۆڤا بوون، تا نها بێ راوەستیان د کاری دانە و شیاینە هەموو رێکێن سەرەکی ژ بەفرێ پاقژ بکەن و هاتنوچوون لێ ئاسایی بوویە.
نەشوان یەحیا ئاشکرا ژى کر، شڤێدێ رێکێن کانی ماسێ بۆ بانک و ئەرزا، بەرئاشێ بۆ چەمانکێ، رێکا سەرزێرێ ژى ژبەر هاتنا بەفرێ هاتبوونه گرتن، لێ هەموو هاتینە ڤەکرن و بتنێ رێکا سەرزێزی مایە و نێزیک دێ ئەو ژی هێتە ڤەکرن.
دەربارەی چیایێ گارە ناڤبری دازانین کو شڤێدێ تێمێن وان ب هەڤکاریا چەندین لایەنان شیان هەمو وەلاتیێن ل گارە ئاسێ ماین رزگار بکەن، تنێ چەند ترۆمبێل ماینە د بەفرێ را و تا نها تێمێن وان نهگەهشتینە وی جهی بۆ دەرێخستنا ترۆمبێلێن وان.
ل گوری زانیاریان شڤێدی ل سەرزێری 80 سم و کانێ ماسێ 25 سم و ل بەرئاشی 10 سم بەفر بارینە.
خانى نیوز، عهبدوللا عهلى
