پهیڤدارێ فراکسیۆنا بەدر ل پەرلەمانی ئیراقێ راگەهاند: دڤیت هەموو ئهو پهترۆلا ل ههرێمێ دهێته بهرههمئینان یان داهاتێ وێ رادەستی کۆمپانیا نیشتمانی یا سۆمۆ بهیته كرن، بهرامبهر ڤێ چهندێ حكومهتا ئیراقێ دێ پشكا بۆدجێ ههرێما کوردستانێ دهت، حکومەتا هەرێما کوردستانێ داخواز دكهت، ل بەرامبەر ماف و شایستێن دارایی یێن هەرێما کوردستانێ ب تنێ رۆژانە 250 هزار بەرمیلێن پهترۆلێ رادەست بكهت.
ئهڤرۆ چارشهمبى، وەلید ئەلسەهلانی گۆت ژى: دیتنا گشتی ل پەرلەمانێ ئیراقێ سەبارەت بودجێ گشتی، پێكهاتییه ژ دابەشکرنا بودجە ب رهنگهكێ وهكههڤى و دادپەروەری ب سەر هەموو پارێزگههان دا، هەرێما کوردستانێ ژى بەشهکە ژ ئیراقى، ئهو ژى گۆتییه، مه چ هەلویست ل دژی چ لایەنهكێ سیاسی نینە، ب تایبەت ژ لایێ فراکسیۆنا بەدر ڤە.
ئەلسەهلانی گوت ژى: ناکۆکیێن زۆر هەنه، دهربارەی هنارتنا پهترۆلا هەرێمێ، دڤێت داهاتی وێ ڤهگهریتهڤه بۆ بودجێ دەولەتێ، بەلێ هێشتا کۆمبوون و دانوستاندن د بەردەوامن دناڤبهرا لژنا دارایی و شاندێ هەرێما کوردستانێ بۆ گەهشتن ب چارهیێن دروست.
