شاندا ههرێما كوردستانێ ئهڤرۆ دگهل دهستهیا سیاسى یا رهوتا سهدر ب سهرۆكایهتیا نهسار ئهلروبهیعى ل بهغدا كۆمبوون و د راگههاندنا كۆمبوونا ئهڤرۆ دا هاتییه، سهدر ژى پشتهڤانیێ ل پاراستنا مافێن ههموو لایان دكهن ل سهر بنهمایێ دادگهریێ.
ل دووڤ راگههاندنا نڤێسینگهها جێگرێ سهرۆك وهزیرێن ههرێما كوردستانێ، ئهڤرۆ چوارشهمبى شاندا بلندا حكوومهتا ههرێما كوردستانێ ب سهرۆكایهتییا قوباد تالهبانى دگهل دهستهیا سیاسى یا رهوتا سهدر ب سهرۆكایهتییا نهسار ئهلرۆبهیعى ل بهغدا كۆمبوون و پێكڤه گۆتوبێژ ل سهر داوى پێشهاتێن گۆتوبێژا بودجا 2021ێ یا ئیراقێ كر.
د راگههاندنهكێ دا هاتییه، د كۆمبوونێ دا تائكید ل سهر چارهسهركرنا ئاریشهیێن گرێدایى بودجا 2021ێ و ب رێكا دیالۆگ و ڤهگهریان بۆ دهستورى.
دهربارهی ههلویستێ سهدرى ل سهر پشكا كوردان د پرۆژێ بوجهى دا، سهرۆكێ دهستهیا سیاسییا سهدر جهخت ل دانانا چارهسهرییهكا ستراتیژى و درێژخایهن بۆ كێشێن د ناڤبهرا ههردوو حكومهتێن فیدرال و ههرێمێ دا كرییه، بهحسێ هندێ ژى كرییه رهوتا سهدر ژى پشتهڤانییا پاراستنا مافێن ههموو لا یان دكهن ل سهر بنهمایێ دادگهریێ.
ئهڤه دهمێ چوار رۆژه شاندا دانوستانكارا ههرێما كوردستانێ ب سهرۆكایهتیا قوباد تالهبانى ب مهبهستا ئێكلایكرنا پشكا ههرێمێ و دۆسهیا نهفتێ ل بهغدا دگهل لایهنێن سیاسێن ئیراقێ دێ كۆمبیت، كۆمبوون ژى ب ئارمانجا دروستكرنا ئێكدهنگیێ و پشتهڤانیێ و جێگیركرنا پشكا ههرێما كوردستانێ.
