سه‌رۆك نێچیرڤان بارزانی ئه‌ڤرۆ ل هه‌ولێرێ پێشوازی ل نادیا موراد، چالاكڤان و رزگاربوویا ئێزیدی كر.
سه‌رۆك نێچیرڤان بارزانی ئه‌ڤرۆ ل هه‌ولێرێ پێشوازی ل نادیا موراد، چالاكڤانا ئێزیدی و هه‌لگرا خه‌لاتێ نۆبلێ كر، نێچیرڤان بارزانی د كۆمبوونێ دا دووپاتكر هه‌ماهه‌نگیێن وان د گه‌ل ئالیێن په‌یوه‌ندیدار یێن حكومه‌تا ئیراقێ و كۆمه‌لگه‌ها نێڤده‌وله‌تی ژ بۆ چاره‌كرنا ره‌وشا شنگالێ و كێشه‌یێن ئێزیدیان د به‌رده‌وامن.
هه‌ردو ئالییان پرسا ڤه‌گه‌راندنا كۆمه‌كا رۆفاتێن قوربانیێن ئێزیدی بۆ گوندێ كۆچۆ و رێككه‌فتنا شنگالێ و چه‌ندین بابه‌تێن دی یێن گرێدای ئێزیدیان گۆتوبێژكرن.
نێچیرڤان بارزانی، بزاڤێن نادیا مورادێ ژی ل دۆر خزمه‌تكرنا ئێزیدیان به‌رز نرخاندن و ئاماده‌ییا هه‌رێما كوردستانێ ژ بۆ پشته‌ڤانیكرنا هه‌ر پرۆژه‌یه‌كێ د خزمه‌تا ئێزدییان دا دیاركر، نادیا موراد ژی دیار كر، وێ ئاگاهی ژ بزاڤێن بارزانی ل دۆر باشتركرنا دۆسه‌یا ئێزیدیان و خزمه‌تا وی هه‌یه.
