رێڤه‌به‌رێ ئامارێن پارێزگه‌ها نەینەوا راگەهاند، 38٪ـێ ئاكنجیێن پارێزگه‌ها نەینەوا ل ژێر هێلا هەژاریێ دا دژین.
نەوفەل سلێمان، رێڤه‌به‌رێ ئامارێن پارێزگه‌ها نەینەوا راگەهاند، هه‌ژمارا ئەو کەسێن ل ژێر هێلا هەژاریێ دا دژین و هه‌ژمارا وان دگه‌هیته ملیۆنه‌ك و 800 هزار کەسان، ژلایێ هەژاریێ قەزا یا بەعاج ب پلەیا ئێكێ دهێت، حەزەر ل پلا دویێ، تلەعەفەر ل پلا سیێ و قەزا مووسل ناڤه‌ندا پارێزگه‌ها نەینەوا ب پلەیا چارێ دهێت.
پشتى بەغدا، ژ لایێ هه‌ژمارا ئاكنجیان ڤه نەینەوا ل پلا دویێ یا پارێزگه‌هێن ئیراقێ دهێت، ل دووڤ ئامارێن وەزارەتا پلاندانانا ئیراقێ هه‌ژمارا ئاكنجیێن پارێزگه‌ها نەینەوا زێده‌ترن ژسێ ملیۆن کەسانه.
نەوفەل سلێمان ئاشكرا كر، وەزارەتا پلاندانانێ ده‌رباره‌ى پلانا چارەسەرکرنا هەژاریێ ل سەر دو ئاستان کاردکه‌ت، بجهئینانا پرۆژەیێن جودا ل ناوچێن پترین هەژارى تێدا و دروستکرنا سندۆقێن گەشەپێدانا جڤاكى ل ڤێ دوماهیێ ل نەینەوا دەستیپێکریه.
