ئەڤرۆ ئێکشەمبی ٧ شوباتێ ٢٠٢١ێ ل سەلاحەددین سەرۆک مەسعود بارزانی پێشوازی ل شێخ حومێد دەھام ئەلھادی شێخ سەرۆکێ ھۆزیێن شەممەر ل سوریا کر.
د دیدارەکێ دا پشتی ئالوگۆرکرنا بیروبۆچوونان و داوی پێشھاتێن سوریا، ھەردوو لایان ئاماژە ب دۆستایەتی و پەیوەندیێن دێرین د ناڤبەرا وان دا کرن، جەخت ژی ل سەر موکومکرنا پەیوەندیان و برایەتییا د ناڤبەرا کورد و عەرەبان و نەتەوەیێن دی دا ل سوریا کر و ب تایبەت ل دەڤەرا جزیرە کر.
ھەروەسا د وێ دیدارێ دا سەرۆک بارزانی بەحسێ باردۆخێن ئالوز یێن سوریا کرن و ھیڤی خواست کو چارەسەرییەکا سیاسی یا گشتگیر ھەبیت بۆ رزگاربوونا پێکھاتەیێن سوریا ژ نەخۆشی و دەربەدەرییا چەند سالان کو خەلکێ سوریێ تێدا دبوریت، ھەروەسا سەرۆک بارزانی پاراستنا ئاسایش و ئێمناھییا دەڤەرێ و بھێزکرنا بنەمایێن پێکڤە ژیانێ ژی وەک بنەمایەک بۆ ڤەریانا ئارامیێ و ئاسوودەییێ بۆ خەلکێ دەڤەرێ ب پێدڤی زانی.
