ل دووڤ راپۆرته‌كا مالپەرێ PLENGLISH پێنتاگۆن د نھا دا مژوولی بەرفرەھکرنا بارەگایێ سەربازیێ ھێزێن ئەمریکایە ل ھەرێما کوردستانێ.
ل دووڤ وێ راپۆرتێ، پێنتاگۆن بۆ دەمێ چەند مەھانە ب رەنگەکێ بەردەوام مژوولی بەرفرەھکرنا فرۆکخانەیا ھەریرە ل سنورێ پارێزگەھا ھەولێرێ، ئەڤ فرۆکخانە ژی کۆمەکا پرۆژەیان بخۆڤە دگریت: جھێ خۆ ڤەشارتنا ژێر ئەردی، چەک و تەقەمەنی و جھێ ڤەحەواندنێ بۆ سەربازان.
ھەمان مالپەر ئەو یەک ژی گۆتییە: ھێزێن ئەمریکا ژ بۆ پشتەڤانیکرنا ئۆپەراسیونێن خۆ یێن سوریایێ و پشتەڤانیکرنا وان گرووپێن نزیکی خۆ، فرۆکخانا ھەریرێ یێ سەربازی بکاردئینیت.
ئەڤێ پێتگاڤا ئه‌مریكا پشتی په‌سه‌ندكرنا بریارا پەرلەمانێ ئیراقێ دھێت کو ل ١ی گولانا ٢٠٢٠ ل دۆر دەرخستنا ھێزێن بیانی ل ئیراقێ پەسەند کربوو. ئەو ژی ئەنجامێ کوشتنا قاسم سولەیمانی و ئەبو مەھدی موھەندیس بوو ژلایێ ئەمریکاڤە.
