زانایەکێ ژینگەھێ ھۆشدارییا بەلاڤبوونا ڤایروسێ تاعوون یێ ب مەترسی ددەت، کو ژ ڤایروسێ کۆرۆنایێ مەترسیدارترە و ب مرنا رەش دھێت نیاسین کو د دەمێ خۆ دا سێ پشکێن ئەوروپا ژناڤبر بوون.
جۆن فیدال، زانا وڤەکۆلەرێ ژینگەھێ راگەھاند؛ ئەو ڤایروسێ ژ گیانەوەران بۆ مرۆڤان دھێنە ڤەگوھاستن، نھا ئەگەرێ بەلاڤبوونا وان ژ جاران زێدەترە، ژ به‌ر كو گیانەوەر ھەلگرێ ھزاران ڤایروسانە و دەلیڤە ھەیە دھەر دەمەکێدا بھێنە ڤەگوھاستن.
رۆژنامەکا ئنگلیزی ژی دیارکریە، نھا جۆن فیدال مژوولی دانانا کتێبەکێ یە ل دۆر پەیوەندیێن دناڤبەرا سروشتی و نەخۆشییان دا، ب تایبەت ئەو نەخۆشیێن ل چەندین سالێن بوری بەرھنگاری مروڤان بووین، فیدال د پەرتۆکێ دا دبێژیت: ئەو ڤایروس ژ جورێ ئیبولایە ئەگەر ھەیە د ھەر دەمەکێدا مروڤاتیێ ژناڤ ببەت.
بەرییا نھا ڤەکۆلەرەکێ ژینگەھی د گوتارەکێ دا ھۆشداری دابوو وەلاتێن جیھانێ ڤێ جارێ ئەگەرێ بەلاڤبوونا ڤایرۆسێ مرنا رەش ھەیە، ددەمێ خودا دناڤبەرا سێ کەسان دا کەسەک د کوشت.
