بانکا ناڤده‌وله‌تی و بەرنامێ خوارنا جیهانی دێ هاریکاریا ئیراقێ کەن

بانكا ناڤده‌وله‌تی ب ھەماھەنگیا بەرنامێ خوارنێ ییا جیھانی پرۆگرامه‌كێ ھه‌ڤپشك بۆ ھاریكاریكرنا ئیراقێ دێ ئێخنه‌ پێشچاڤ.

بانكا جیھانی ب ھەماھەنگیا بەرنامێ خوارنا جیھانی د راگه‌هاندنه‌كا ھه‌ڤپشكدا راگەهاندییه‌، د پرۆگرامه‌كێ هه‌ڤپشك دا ل ئیراقێ ھەماھەنگى كرییە بۆ هندێ، داكو ڤه‌كۆلینه‌كا جڤاكى و ئابووری ئەنجام بدەن و ھۆكارێن نەبوونا ئاسایشا خوارنێ و كاریگەریێن كۆرۆنایێ گوتۆبێژ بكەن.

هه‌روه‌سا گۆتییه‌، ئەو ھەماھەنگییە دێ بیته‌ ئه‌گه‌رێ دابینكرنا زانیاریێن باشتر بۆ پرۆگرامێ پاراستنا جڤاكى، ھەروەسا پرۆسێن ھاریكاریكرنێ دێ ب له‌زتر لێ كه‌ن.

ئه‌و ژى گۆتییه‌، د كڤانێ به‌لاڤبوونا كۆرۆنایێ دا، ئەڤ پرۆگرامێ هه‌ڤپشك یێ وان ئارمانج پێ دێ كاریگەری ل سەر خێزانێن ئیراقێ هه‌بیت، ب تایبەتى خێزانێن ئاواران ئه‌وێن د ناڤا خیڤه‌تان دا دژین.

ل گه‌ل بەردەوامییا فشارێن ئابووری و ئەو ره‌وشا ژ ئەنجامێ داكه‌فتنا بهایێ دینارێ ئیراقی رووداى‌، بهایێ ھنده‌ك خوارنێن سه‌ره‌كى بلند بوویه‌، ئه‌ڤێ كاریگه‌ریه‌كا به‌رچاڤ ل سه‌ر خێزانێن ئیراقێ دروستكرییه‌.