مامۆستایەکێ زانکۆیێ ئاشکراکر کو ل دووڤ دووماھی ئامارێن دیارکری سالانە ٤٠ ھزار مرۆڤان ل کوردستانێ پێدڤی ب دەلیڤێن کاری یە.
عەلی ئیبراھیم باغ، مامۆستایێ زانکۆیێ بۆ خانی نیۆز گۆت: دڤێت ھەرێما کوردستانێ چارەسەریەکا بلەز ببینیت چنکى مە کەرتێ تایبەت نینە و ھەر دوو کەرتێن تایبەت و حكومی پێکڤە گرێداینە و ھەکە موچە نەبیت بازار نینە، ئانکو ھەر دوو گرێدانا پێکڤە ھەی و سالانە ٤٠ ھزار مرۆڤێن كارى دھێنە ناڤ بازاری و کار دڤێت.
ھەمان مامۆستاى گۆت: گرنگە ناڤ مالا کوردی پتر بھێتە رێکخستن و تایبەت ھەر دوو پارتێن دەستھەلاتدار و بھێز بچنە بەغدا، دیسا باشتره كو رێژا کوردان ل جھێن بریارێ ل بەغدا زێده‌تربن، نە ب تنێ وەزیر کورد بانە بەلکو وەکیل وەزیر و ژووردا ژی د ده‌ستێ كورداندا بان، هه‌روه‌سا گرنگه كوردان سەنگ و دەنگێ خوە ل کۆمپانیا سۆمۆیێ ژى ھەبا.
عەلی براھیم باغ، گۆتژی: حكومەتا خۆجھی ھندەک پێنگاڤێن باش ھاڤێتینە بۆ نموونە گەشەکرنا کەرتێ گەشت و گوزارێ و ب ڤی کەرتی خوارنگەهـ و هۆتێل و مۆتێل و جھێن گەشتیاری کەفتینە كارى و هژماره‌كا کرێکاران ل بەر کار دکەن، لێ دڤێت ھێشتا دەلیڤێن کاری بھێنە دیتن.
خانی نیۆز، سالار محەمەد دۆسکی
