بو دەما زێدەتری ٥ سالایە شنگال و دەوروبەران ژ داعشێ ھاتییە رزگارکرن لێ تا نھا ب بەھانەیێن جوودا شنگال نەھاتیە ئاڤەدانکرن و ب تەمامی خەلکێ وی نەڤەگەریایە سەر مالێن خوە، مەحما خەلیل دەڤەردارێ شنگالێ ئەگەرێ سەرەکی بو ھەبوونا ھێزێن دەرەکی یێن نەشەرعی ڤەدگەرینیت.
دەربارەی ئەو گەفێن ڤێ داویێ یێن تۆرکیا بۆ سەر شنگالێ مەحما خەلیل بۆ خانی نیوز دبێژیت: رهوشا شنگالێ ژ روویێ خزمەتگۆزاری و ئەمنی و ململانا سیاسی رەوشەکا خرابە، ھەبوونا ھێزین نە شەرعی ل شنگالێ کو گرێدایی پەکەکێ نە ئەگەرێ گەفێن تورکیا نە و پێدڤییە حکومەتا ئیراقێ ھەمبەری گەفێن تورکیا راوەستیت.
دازانین ژی: ھەر چەندە ب سەدان جاران وان ھیڤی ل وان ھێزان کریە كو شنگالێ بۆ شنگالییان بھێلن و نەبنە رێگر ل ھەمبەر ئاڤەدانکرنێ و ئارامیێ و ڤەگەراندنا خەلکی بۆ سەر وارێ وان.
مەحما خەلیل رەخنە ل حکومەتا ئیراقێ گرتن و گۆت: حکومەتا ئیراقێ ب تنێ ناڤ باژاران رزگارکرینە، لێ تا نها دهڤهرێن سنوری ژ داعشان نەھاتنە پاقژکرن، مە ترسیا داعشێ ھیشتا مایە، گەلەک خەلکێ وان دەڤەران ب شەڤ داعشن و ب رۆژ سڤیلن. دەربارەی دهربارهى رێکەفتنا ھەولێر و بەغدایێ یا دەربارەی شنگالێ مەحما خەلیل راگەھاند: ئومێدا خەلکێ شنگالێ یە ئەو رێکەفتنە بھێتە جێبەجێکرن، ژبەرکۆ ئەو رێکەفتنە دی بیتە ئەگەرێ ئارامیێ و ئاڤەدانکرنێ.
ل دۆر دووبارە ئاوارەبوونا خەلکێ شنگالێ ناڤبری ئاشکراکر: ھەر ژبەر ھێزێن نەشەرعی ل شنگالێ ئەو وەکو ئیدارا شەرعی یا شنگالێ نە ڤەگەریانە، نھا ل مووسلێ کارێ خوە برێڤە دبەین، ئەو کەسێن ب فەرمی ل دەڤ وان خۆ تومارکری و دوبارە ئاوارەبووین ١١ خێزانن، ل گۆری راگەھاندنا رێکخراوا جی سی سی زێدەتری ١٤٠ خێزان دووبارە ئاوارەبوونە ڤە.
خانى نیوز، عهبدوللا عهلى
