ئیراق.. ئۆپەراسیۆنێن دژی داعشێ ل ٣ پارێزگەھان دەستپێکرن

ب مه‌به‌ستا ژناڤبرنا شانێن نڤستى یێن داعشێ، سوپایێ ئیراقێ ئۆپه‌راسیۆنه‌كا به‌رفره‌هـ ل رۆژئاڤایێ به‌غدا ده‌ستپێكر.

شانه‌یا راگه‌هاندنا سه‌ربازى د به‌یانه‌كێ دا راگه‌هاند، ب سه‌رپه‌رشتىيا ئۆپه‌راسیۆنێن هه‌ڤپشك، ئه‌ڤرۆ ئۆپه‌راسیۆنه‌كا به‌رفرهـ ل رۆژئاڤایێ به‌غدا و گراڤا گه‌رمه‌ و رۆژئاڤایێ سه‌رسار ده‌ستپێكرن و تێدا هێزێن هه‌ڤپشك یێن به‌غدا، ئه‌نبار، سامه‌را و فرۆكه‌ڤانێن سوپاى و هێزێن ئه‌سمانى تێدا د پشكدارن.

ل گؤره‌ى وێ به‌یانێ، ئارمانج ژ ئۆپه‌راسیۆنێ ‌دیتنا پێگه‌هـ و حه‌شارگه‌هێن رێكخستنا داعشێ و كۆنترۆلكرنا ده‌ڤه‌رێن سنۆرى یه‌.