شاندەکێ پێکھاتەیان ل پەرلەمانێ کوردستانێ ئەڤرۆ دگەل پارێزگارێ دھۆکێ و سەرۆکێ جڤاتێ کۆمبوون.
ھەدیا موراد، ئەنداما پەرلەمانێ کوردستانێ بۆ خانی نیوز گۆت: شاندێ پەرلەمانێ کوردستانێ ب سەرۆکاتییا مونا قەھوەجی، سکرتێرا پەرلەمانێ و ھەموو پێکھاتەیێن ئۆلی پێکدھێت ب مەرەما ھایداربوون ژ رەوشا پێکھاتەیان ل پارێزگەھا دھۆکێ، سات ١٠ یێ سپێدێ دگەل دکتۆر عەلی تەتەر، پارێزگارێ دھۆکێ کۆمبوون و پاشان د گەل فەیھم عەبدوللا، سەرۆکێ جڤاتا پارێزگەھێ کۆمبوون
ھەروەسا بریارە شاندێ پەرلەمانێ ئەڤرۆ سەرەدانا شێخان بکەن و ل گەل قایمقامێ شێخان، میر و بابێ شێخێ ئێزدییان کۆمبن و پاشان سەرەدان جھـ و ئالیێن دی یێن ئاینی بکەن.
