فرۆکەیێن تورکیا سنۆرێن ئامێدیێ و ئاکرێ بۆمبەباران کرن

فرۆکەیێن تورکیا سپێدەھیا ئەڤرۆ چەندین گۆند و دەڤەرێن سەر ب قەزایێن ئامێدیێ و ئاکرێ ڤە بۆمبەباران کرن و زیان نەھاتینە زانین.
ئەلند ئەمیر، رێڤەبەرێ ناحیا چەمانکێ بۆ خانی نیوز ئەو یەکە پشت راستکر کر و دیار کر، راستە بۆمبەباران ھەبوویە لێ ژ بەر کو یا دووری جھێن ئاکنجیبوونێ یە زیانێن وێ نەھاتینە زانین.
ل گۆری ئاگاھیێن خانی نیوز، فرۆکەیێن تورکیا چەندین گوندێن چوول یێن سەر ب ناحیا چەمانکێ ل سنۆرێ قەزا ئامێدیێ و گوندێن سەر ب دینارتێ یێن سەر قەزا ئاکرێ ڤە بۆمبەباران کرینە.
ژ ئالییەکێ دی ڤە ژێدەرەکێ تایبەت بۆ خانی نیوز راگەھاند، فرۆکەیێن شەرکەرێن تورکیا ئەڤرۆ سەعەت سێیێ سپێدێ دوماھییا چیایێ گارەی کو ب کافیا دھێتە نیاسین ل سنۆرێ دەڤەرا زێبارییان بۆمبەباران کرییە، ل گۆرەی گۆتنا شاھدحالان ژی بۆمبەبارانا ب ڤی رەنگی چ جاران نەھاتیە کرن.
ھێرش و تۆپباران و بۆمبەبارانێن سوپایێ تورکیا ل ناڤا سنۆرێن ھەرێما کوردستانێ بەردەوامن و بەھانەیا وان ھەبوونا گەریلایێن پارتییا کارکەرێن کوردستانێ پەکەکێ یە، ژ بەر وێ یەکێ ژی گەلەک وەلاتیێن ھەرێمێ بووینە قوربانی و گەلەک دەڤەر ژی ھاتینە چوولکرن.
خانی نیوز،