مەسرور بارزانی: دێ کار ژ بۆ نەهێلانا توندوتیژییا دژی ژنان کەین

ئەڤرۆ چارشەمبى 2021/2/10 مەسرور بارزانی سەرۆکێ حکومەتا هەرێما کوردستانێ سەره‌دانا رێڤه‌به‌ریا بەرهنگاربوونا تووندوتیژیێ ل دژی ئافرەتان و خێزانان ل باژێرێ هەولێرێ کر.

سەرۆکێ حکومەتێ سه‌ره‌دانا پشكێن وێ رێڤه‌به‌ریێ كرن، ب تایبەتی هێلا گەرم یا ژمارە 119 كو ئێکە ژ هۆبێن گرنگ و چالاک یێن سەنتەرێ شیره‌تكاریا خێزانی ، كو ئارمانج ژێ هاریكاریا قوربانییانیێن توندوتیژیێ یە و بێ بەرامبەر و  24 ده‌مژمێران،  پەیوەندییان به‌رسڤ دده‌ت و رێنمایێن یاسایی و دەروونی پێشکێشى وان دكه‌.

سەرۆکێ حکومەتێ، سه‌ره‌راى دەستخۆشی کرنێ ل کارمەندێن   وێ رێڤه‌به‌ریێ كو ئەرکه‌كێ پیرۆز ئەنجام ددەن، ئاماژە ب هندێ دا کو حکومەتا هەرێما کوردستانێ، دژی هەموو جۆرە تووندتیژیه‌كێ یه‌ و بەردەوام کار دكه‌ت بۆ بنبرکرنا هه‌موو توندوتیژییەکێ، گوتییه‌ ژى هەموو وه‌لاتى بەرامبەر یاسایێ وه‌كو ئێكن و  پێدڤییە ئافرەت، ئازادانە بژین و بریارێ ده‌رباره‌ى ژیانا خوه‌ بدەن و مافێن وان بهێنه‌ پاراستن

.