زانکۆیا دهۆکێ داهێنه‌رێ دلێ دەستکرد خه‌لاتكر

ئەڤرۆ ل سەنتەرێ رەوشەنبیری و جڤاکی یێ زانکۆیا دهۆکێ سەرۆکێ زانکۆیا دهۆک پرۆفیسور د. موسلح دهۆکی پێشوازی ژ دکتۆر ئازاد نەجار داهێنەرێ دلێ دەستکرد کر.
دکومبوونێدا كو چەندین دکتۆرێن پسبورێن پاڕێزگەها دهۆکێ ئاماده‌بوون، جەخت ل سەر پێشڤەبرنا ئاستێ زانستی یێ کولیژێن نۆژداری ل زانکۆیا دهۆکێ کر .
دکتۆر ئازاد نەجارى ئاستێ زانکۆیا دهۆکێ ب بلند نرخاند و دیارکر کو کارەکی باش ل کولیژێن نوژداری ل زانکۆیا دهۆکێ هاتییە کرن،  لێ خواست کو ڤەکۆلینێن زێدەتر بهێنە کرن چونکی ڤەکۆلین دێ ئاستێ وان یێ زانستی بەرز ئێخیت و دێ بنە ئەگەرێ داهێنانان و داخازژی کر کو پشتەڤانی یا زێدەتر هەبیت بۆ زانکۆیا دهۆکێ بۆ بکارئینانا ئامیرێن سەردەمیانە بۆ ڤان بەشێن نوژداری.

ناڤبری گۆت ژی: دکتۆرێن کوردان ل هەمی جیهانێ ناڤێ خوه‌ هەیە و باوەرنامەیێن بەرز بدەستڤە ئیناینە و دکتۆرێن کورد دشێن گەلەک داهێنانێن جودا جودا بەرهەم بینن.

ناڤبری راگەهاند ژی: ئەو ب هەمی شیانێن خۆڤە دێ هاریکاریا پاڕێزگەها دهۆکێ کەن ب کەرتێ ساخلەمی و زانکۆیانڤە.

ل داویێژی سەرۆکێ زانکۆیا دهۆكێ خەڵاتێ ڕێزلێنانێ پێشکێشی دکتۆری کر و سۆپاسییا وی و شاندێ دگەل دا کر و گۆت کو ئەڤە پشتەڤانییەکا مەزنە بۆ زانکۆیا دهۆکێ و کەرتێ ساخلەمیێ .

خانى نیوز، سەعد عاسف

https://www.youtube.com/watch?v=fZ7OpVNvohs