مهسرور بارزانى، سهرۆكێ حكومهتا ههرێما كوردستانێ ئهڤرۆ پێشوازى ل شاندهكێ خاچا سۆرا ناڤدهولهتى ب سهرۆكاتیا ژان ژیرۆم بهرپرسێ رێكخراوێ ل ئیراقێ كر.
د كومبوونا سهرۆكێ حكومهتا ههرێمێ دگهل شاندێ خاچا سۆرا ناڤدهولهتى چالاكیێن رێكخستنێن مروڤى و پلان و بهرنامێن داهاتى یێن ئیراقێ و ههرێما كوردستانێ هاتنه گۆتوبێژكرن.
شاندێ خاچا سوورا ناڤدهولهتى سوپاسیا هاریكارى و ههماههنگیێن د ناڤبهرا رێكخراوان و دامودهزگههێن حكومهتێن ههرێما كوردستانێ دا كر ب تایبهتى هێزێن ناڤخوه، ئاسایش و پۆلیسان. ههروهسا ههولێن حكومهتا ههرێما كوردستانێ ژبۆ چاكسازیێ بهرز نرخاندن و پشتهڤانیا خوه بۆ سهرخستنا كارێن حكومهتا ههرێمێ دووپات كرن.
سهرۆكێ حكوومهتا ههرێما كوردستانێ پهسنا كار و چالاكیێن مروڤی یێن خاچا سۆرا ناڤدهولهتى كر كو ب شێوهكێ بێلایهنى و پیشهیى كارێن خوه دكهن و هیڤیێن سهركهفتنێ بۆ خواستن و پشتهڤانییا حكومهتا ههرێما كوردستانێ ژ بۆ سهرخستنا كارێن وان دووپات كر
