پەیوەندیێن ئەنقەرە و واشنتۆن ل سه‌رده‌مێ بایدنێ ئالۆزبووینه‌

پەیوەندیێن دناڤبه‌را ئەمریکا و تورکیا ل سەر دەمێ ئیدارا ترامپى گه‌له‌ك د باش بوون، به‌لێ ل سەر دەمێ ئیدارا بایدنى دا، ئەو پەیوەندییه‌ یێن ئالۆز دبن و پێشبینى دهێته‌ كرن به‌ره‌ف ئالۆزیێن زێده‌تر بچن.

ئێك ژ وان ئاماژێن كو ئاستێ گرنگ یێ سەرۆکێن جیهانێ بۆ سەرۆکێن تازە دەست ب کاربوو یێ ئەمریکا دیار دكه‌ن، كو ئەو پەیوەندییا تەلەفونییه‌ یا كو سەرۆکێ ئەمریکا دكه‌ت و گه‌ر بكه‌ن‌ پیڤه‌ر بۆ هەلسەنگاندنا پەیوەندییان دناڤبه‌را ئەمریکا و تورکیا دا، دبیت رەجەب تەیب ئەردۆغان، سەرۆککۆمارێ تورکیا خەمبار بیت، ژبه‌ركو پشتى پتره‌ ژ سێ حه‌فتییان ژ دەست ب کاربوونا بایدنى هێشتا پەیوەندییا تەلەفۆنی ب ئەردۆغانى نەکرییە و هەروەسا ئەنتۆنی بلینکن، وەزیرێ دەرڤه‌ یێ ئەمریکا پەیوەندی ب چاوش ئۆغلۆى نه‌كرییه‌.

گالیب دالای، ڤه‌کۆلەر ل پەیمانگەها برۆکینگز یا ئەمریکی گۆتییه‌: ل سەر دەمێ ترامپى دا، پەیوەندیین کەسی یێن ترەمپى ل گەل ئەردۆغانى گه‌له‌ك د ئەرێنی بوون، ڤێ یه‌كێ ژى وه‌كرییه‌، كو ترامپ چەندین جاران تورکیا ژ چەندین سزایێن ئەمریکا بپارێزیت و ئەو سزایێ كو ترامپى ب سەر تورکیا دا سەپاندی ژ ئه‌گه‌رێ کرینا سیستەمێ ئێس 400 یێ رووسی بوو.