ساخلەمییا دھۆکێ: چ حالەتێن ڤایرۆسێ نوو نەھاتینە تۆمارکرن

رێڤەبەرێ گشتی یێ ساخلەمییا پارێزگەھا دھۆکێ دەربارەی مەترسییا ڤایروسێ کۆرونایێ راگەھاند: ھێشتا مەترسییا کۆرونایێ ھەیە، پێدڤییە وەلاتی پابەندی رێنمایێن ساخلەمیێ ببن بۆ ھندێ بھێنە پاراستن.
دەربارەی کۆرونا نوو کۆڤید ٢٠ کۆ دەمەکه‌ ل ھندەک وەلاتێن جیھانێ بەربەلاڤ بوویە، تەنانەت ل ئیراقێ ژی چەند حالەتەک ھاتینە تومارکرن. د. ئەفراسیاب مووسا رێڤەبەرێ گشتی یێ ساخلەمیێ ل پارێزگەھا دھۆکێ بۆ خانی نیوز دیارکر: ھێشتا چ حالەتێن تووشبوویێن ڤایرۆسێ نوو کۆڤید ٢٠ ل پارێزگەھا دھۆکێ نەھاتییە تۆمارکرن.
ئەڤە دەمەکێ دایە پەیڤدارێ وەزارەتا ساخلەمییا ھەرێمێ ژی ھۆشداری دەربارەی پابەندبوون ب رێنمایێن ساخلەمیێ راگەھاندینە. د ئاسۆ حەوێزی پەیڤدارێ وەزارەتا ساخلەمییا ھەرێما کوردستانێ د لاپەرێ خوە یێ فەرمی یێ تۆرێن کۆمەلایەتی فەیسبووکێ دا راگەھاندییە: پشتی تۆمارکرنا حالەتێن نوو یێن ڤایرۆسێ کۆرونایێ ل ئیراقێ پێدڤییە وەلاتیێن ھەرێما کوردستانێ پابەندی رێنمایێن ساخلەمیێ ببن، و داخواز ژ وەلاتییان کر: بەردەوام ماسکان بکاربینن، پاراستنا دووریا د ناڤبەرا کەسان دا بەرچاڤ بھێتە وەرگرتن و دەست شووشتنا بەردەوام ھەبیت.

خانى نیوز، عه‌بدوللا عه‌لى