ئهڤرۆ سێشەمبى، ١٦ى شواتا ٢٠٢١ ل سەلاحەدین سەرۆك مەسعود بارزانی پێشوازی ل ستیگ پاولۆ پیراس بالیۆزێ دانیمارك ل ئیراقێ كر.
د دیدارەكێ دا بالیۆزێ دانیمارك ل ئیراقێ نیگەرانییا خوه ب هێرشا مووشەكی یا شهڤا بورى بۆ سەر هەولێرێ نیشان دا و پێزانین هەبوون ل سهر وێ سەقامگیری و ئارامی و پێشكەفتنا ل سالێن بورى یا ل ههرێما كوردستانێ ههى.
بالیۆزێ دانیمارك گۆت ژى: وهلاتێ وى ب ههڤبەشی د ههڤپەیمانییا نێڤدەولەتی یا دژی تیرۆرێ پشكدار بوویە، د مەشق و راهێنانان دا ب هێزێن ئیراقی و هێزێن پێشمەرگێ كوردستانێ.
سەرۆك بارزانی ژى راگەهاند: تێكشكاندنا تیرۆرێ پێدڤى ب بزاڤهكا هەمەلایەنی و فرە رەهەندی ههیه، دهربارەی كێشێن دناڤبهرا هەرێمێ و بهغدا دا سەرۆك بارزانی دوپات كرییه، پێدڤییە ئەو كێشە ب رێیا دیالۆگێ و د كڤانێ دستۆرى دا بهێنه چارەسەر كرن، جێبەجێكرنا دستۆرێ ئیراقێ دێ سەقامگیری پهیدا بیت و دێ بیته ئهگهرێ هندێ كو پێكهاتێن ئیراقێ ب ههڤبەشی ل گەل ئێك بژین.
