راگههاندنهك ژ وهزارهتا ناڤخۆ یا ههرێما كوردستانێ:
پشتى شڤێدى دهمژمێر 9:30ێ شهڤێ 15.2.2021 چهند مووشهك بهر ب فرۆكهخانهیا ناڤدهولهتى یا ههولێرێ و چهند تاخێن باژارێ ههولێرێ كهفتین و ل ناڤا فرۆكهخانهیێ بویه ئهگهرێ گیان ژدهستدانا كهسهكی و برینداربوونا پێنج یێن دى. و ل سهنتهرێ باژاری ژى سێ كهسێن دى بریندار بووین ژ بلی كو زیانێن ماددى گههاندینه چهندین مال و جهێن بازرگانى.
ل گۆرهی وهزارهتا ناڤخۆ، دهزگههێن دژهتیرۆر، ئاسایش و پۆلیسان ب ههماههنگیا هێزێن ههڤپهیمانان دهست ب ڤهكۆلینان و دووڤچوونان كرى، جهێ ئهوان ترومبێلان دیتینه یێن كو مووشهك ژێ هاتینه هاڤێژتن، جۆرێ ترومبێلێ ژی (كیا) بوو و ل رێكا د ناڤبهرا ههولێر – گوێر دا هاتییه دیتن.
وهزارهتا ناڤخۆ ئاشكهرا ژی كرییه، یا بالكێش ئهوه ههمان شێواز و تهكنیكێن د هێرشا پێشتر یا سهر فرۆكخانا ههولێرێ دا هاتینه بكارئینان، د هێرشا شڤێدى ژی دا بكارئیناینه.
وهزارهتا ناڤخۆ خویا ژی كر، ڤهكۆلین ل دۆر ئاشكراكرنا كهس و ئالیێن ل پشت هێرشێ د بهردهوامن و خهلكێ باژارێ ههولێرێ و ههرێما كوردستانێ پشتراست دكهین كو ههموو ئهو كهسێن دهست دگهل د هێرشێ دا ههی و دێ هێنه ئاشكرا و شهرمزاركرن و ل گۆر یاسایێ هێن سزا دان.
