بلاسخارت: ئاریشه‌یێن هه‌ولێر و به‌غدا ژ نه‌بوونا یاسایێن پێدڤییه‌

جينين پلاسخارت راگه‌هاند: تا نها رێكه‌فتنا داویێ د ناڤبه‌را هه‌ولێر و به‌غدا نه‌هاتییه‌كرن و ئه‌ڤ ژى بۆ ‌ نه‌بوونا یاسایان ژ سالا 2005ێ وه‌ره ڤه‌دگه‌ریت‌، و دیاركر ژى ئه‌ڤ چه‌نده‌ هه‌تا نوكه‌ ئاسته‌نگن د ناڤبه‌را هه‌ردوو لایه‌نان دا.

ئه‌ڤرۆ ده‌مێ بلاسخارتێ پشكدارى د كۆنفرانسه‌كى دا ل به‌غدا كرى، ئاماژه‌ ب هندێ دا كو ئاریشه‌یێن دناڤبه‌را هه‌ولێر و به‌غدا  دڤێت بهێته‌ چاره‌كرن.

و  سه‌رۆكا شاندا نه‌ته‌وێن ئێكگرتى بۆ هاریكاریكرنا ئیراقێ داكوكى ل سه‌ر هندێ ژى كر، په‌یوه‌ندیا ئه‌رینى و جێگیر دناڤبه‌را ئیراقا فیدرال و هه‌رێما كوردستانێ، یا پێدڤییه‌ ژبۆ ئارامییا هه‌موو وه‌لاتى، نه‌بوونا یاسایان‌ ژ سالا 2005ێ وه‌ره هه‌تا نها‌، بوویه‌ ئه‌گه‌رێ هه‌بوونا ئاسته‌نگان‌ بۆ دانوستاندنێن دناڤبه‌را هه‌ولێر و به‌غدا دا.