سه‌رۆك بارزانى پیرۆزباهی ل ئێكه‌تیا قوتابی و لاوێن دیمۆكراتا كوردستانێ كر

سه‌رۆك بارزانی ب هه‌لكه‌فتا 68 سالیا دامەزراندنا ئێكه‌تیا قوتابیێن كوردستانێ و ئێكه‌تیا لاوێن دیموكراتا كوردستانێ په‌یامه‌ك به‌لاڤكر و گەرمترین پیرۆزباهیێن خوه‌ ئاراستەی لاو و قوتابیێن كوردستانێ كر و هیڤیا سەركەفتن و بەردەوامیێ بۆ خواست.
سه‌رۆك بارزانی د په‌یاما خوه‌ دا گۆت‌: نها ئه‌و چاڤه‌رێ قوتابیانه‌ بۆ بلندكرنا رێبازا كوردایەتی و نیشتیمانپەروەریێ و د رێیا زانست و داهێنانێ دا كار بۆ پێگه‌هاندن و باوه‌رى ب خوه‌بوونێ بكەن، دڤێت ئه‌و نموونەیا قوتابی و لاوێن كوردستانێ بن بۆ خزمەتكرنا نیشتیمانی.
بارزانى گۆت ژى: قوتابی و لاوێن کوردستانێ هەر ژ ده‌سپێكا دامه‌زراندنا رێکخراوێ ل قۆناغا شۆره‌شا ئیلۆنێ هەتا شۆره‌شا گولان و سه‌رهلدانێ و قۆناغا پشتى سه‌رهلدانێ پشكه‌كا دیار و كاریگەر یا خەباتا گەلێ مه‌ بوون و هەردو رێكخراو قوتابخانه‌ بوون بۆ پێگەهاندنا رۆلێ هشیار و زیره‌ك و سەركردەیێن ب شیان بوون.
ل دووماهیا په‌یاما خوه‌دا بارزانى دیاركر، دلێ وان ب هەبوونا وان خۆشە و ئه‌و ئومێدا مللەته‌كێ بێ گونه‌هن، پێدڤیه‌ زێده‌تر هەول بدەن و ل ئاستێ چاڤه‌رێ كۆمەلگه‌هى و دۆزا رەوایا گەلێ مه‌ بن.
مەسعود بارزانی
18ـێ شواتا 2021