پشتی نیڤرۆیا ئەڤڕۆ د روودانەکێ دا ترومبێلەکێ ل زاروکەکێ دا و زارۆکێ گیانێ خوە ژدەست دا.
ژێدەرەک ژ نەخۆشخانا هەوارهاتنێ ل دهۆکێ تایبەت بۆ خانی نیوز ڕاگەهاند: ئەڤرۆ ئەینی ۱۹_۲_۲٠۲۱ نێزیک دەمژمێر ۳ ئێڤاری و ل نێزیک گۆندێ بەرئاشێ یێ سەر ب ناحیا چەمانکێ ڤە ترومبێلەکێ ل زاروکەکێ تەمەن ٦ تا ۷ سالی دا و ل دەمێ رەوانەکرنێ بۆ نەخۆشخانێ گیانێ خوە ژدەست دا و هاتە رەوانەکرن بۆ پزیشکیا داد ل دهۆکێ.
ژ لایەکێ دیڤە پەیامنێرێ خانی نیوز ل زاخۆ راگەهاند ئیڤارییا ئەڤرۆ ل ڕێکا سەرەکی یا باتیفا بۆ زاخۆ
نێزیک زالگەها تلکەبەرێ د روودانەکا هاتن و چوونێ دا چارکەس برینداربوون و هاتینە ڕەوانەکرن بۆ نەخوشخانا تەنگاڤییان ل زاخۆ.
ژ لایەکێ دیڤە ئێڤارییا ئەڤرۆ ل رێکا مانگێشکێ ترومبێلێ ل کەسەکێ دایه و ب گرانی بریندار بوویه و تیمێن هەوارهاتنێ یێن نەخۆشخانێ، بلەز گەهشتینه جهێ بوویەرێ و بریندار ڤە گوهاستییه بۆ نەخۆشخانێ.
دهێتە زانین ب ئەگەرێ پێنچ روودانێن هاتن و چوونێ یێن ئەڤرۆ ل سنورێ پارێزگەها دهۆکێ، هژمارا گیان ژدەستدانێ گەهشتە ژ سێ کەسان دگەل شەش برینداران.
کو ئێک ژ وان ل زاخۆ ترۆمبێلەکا بارهلگر وەرگەریابوو و شوفێرێ وێ هاتبوو سۆتن و گیانێ خوە ژ دەستدا بوو
