ساخله‌مییا ئیراقێ: پترى 3 ملیۆن دەرزی یێن ڤاكسینى دێ هێنه‌ دابەشکرن

د نوكه‌ دا حكومه‌تا ئیراقێ یا ئاماده‌كارییان بۆ دەستپێکرنا پرۆسا دابەشکرنا ڤاکسینێ کۆرۆنایێ دكه‌ت، وەزیرێ ساخلەمی و ژینگه‌ها ئیراقێ دیار دكه‌ت، ل ڤان نێزیكان دێ پتری سێ ملیۆن دەرزیێن ڤاکسینێ دژى كۆرۆنایێ گەھنە ئیراقێ.
حەسەن تەمیمی، د راگەھاندنەکێ دا ھۆشداریێ ژ ئه‌گه‌رێ زێدەبوونا ئامارێن ڤایرۆسێ کۆرۆنایێ د دەت و ڕادگەھینیت: د نوكه‌ دا پتریا توشبوویێن كۆرۆنایێ ژ جورێ نوو نه‌.
ناڤهاتى گۆت ژى: ژ نێزیکڤە ئه‌و یێ چاڤدێرییا بجهئینانا پرۆسا قەدەغەیا ده‌ركه‌فتنێ دکەن و پێدڤییه‌ هه‌موو وه‌لاتیێن ئیراقى ماسكان بکار بینن.

وه‌زیرێ ساخله‌مییێ گۆت ژى: ل دووماھییا ڤێ ھەیڤێ دێ پرۆسا دانا ڤاکسینی بۆ کارمەندێن ساخلەمیێ و دەزگەھێن ئێمناهیێ و کەسانێن ب تەمەن دەستپێکەت و سێ ملیۆن و 400 ھزار دەرزی دێ هێنه‌ دابەشکرن.