فازل میرانى: دێ ده‌ستپێشخه‌ریا عه‌مار حه‌كیمى گۆتوبێژ كه‌ین

فازڵ میرانی سکرتێرێ مەکتەبا سیاسییا پارتییا دیموکراتا کوردستانێ راگەھاند، عەممار حەکیمی سەرۆکێ رەوتا پێشنیازا دروستکردنا ھاڤپەیمانییەکا بەرفرەھـ  کریە، ئەو  وەکی پارتی د ناڤ خوە دا و پاشی ژی د گەل ئێکەتییا نیشتمانییا کوردستانێ و تەڤگەرا گۆڕان و لایەنێن دی ژی دێ ئەوێ پرسێ گۆتوبێژکەن.
فازڵ میرانی، دەربارەی مافێن کوردان گۆت ژی: مافێن وان ناھێنە دان و دھێنە ستاندن، ئەو نەتەوەیەکن گەلەک ل پێش عەرەبان ل ئیراقێ بووینە و ئەو ل خاکێ خوە بووینە
گۆت ژی: ل دەمێ  ریفراندۆمێ ژی وی گۆتییە : ھەتا د ئێراقێ دا بین، ئیراقیینە، بەلێ ئەگەر ژ ئیراقێ دەرکەفتین دێ بینە جیرانێن باش و دڤێت مافێن خوە وەربگرین و کەس نادەتەمە.
دەربارەی پێشنیارا عەمار حەکیمی ، سکرتێرێ مەکتەبا سیاسییا پارتییا دیموکراتا کوردستانێ گۆت: ئەم دێ گۆتوبێژکەین، و ب پشتراستی ئەڤە یا باشە، ئەو دێ دگەل ‌ئێکەتی و گۆڕان و لایەنێن دی دەستپێشخەریا وان گۆتوبێژ کەن، دێ بزاڤێ کەن ھەڤپەیمانییەکا وەسا ھەبیت، بەلێ یا ب بەرنامە بیت. دیارکر ژی پێدڤییە ببیتە مەرج، دەست‌وەرنەدانا دەستوری دێ بیتە ئێک ژ داخازیێن ھەرە گرنگ یێن کوردان.