ئه‌تله‌تیكۆ ب كۆمه‌كا هنگفتنان دێ مهێڤاندارییا چێلسی كه‌ت

ئه‌ڤ شه‌ڤه‌ ل ده‌مژمیر 11 شه‌ڤ ب ده‌مێ هه‌ولێرێ، یانا ئه‌تله‌تیکۆ مەدرید یا ئیسپانی دێ مێهڤاندارییا یانا چێلسی یا ئینگلیزی كه‌ت، بەلێ نه‌ ل سەر یاریگەها واندا میترۆپلیتانۆ، لێ ل سەر یاریگەها ئەرێنا ناسیۆنالا ل بوخارێستا پایتەختێ رۆمانیا، چونكى دەستهه‌لاتدارێن ئیسپانیا رێكێ نادەن یانێن ئینگلیزی سەره‌دانا وه‌لاتێ وان بكه‌ن، د چارچۆڤێ پرۆتۆکۆلا وى وه‌لاتى بۆ خوه‌پاراستنێ ژ ڤایرۆسێ کۆرۆنایێ.
د ڤێ یاریێ دا دیێگۆ سیمیۆنی یێ راهێنەر دێ بی به‌هر بیت ژ شیانێن پێنج یاریكه‌ران ژ ئه‌گه‌رێ هنگافتنێ، ئه‌و ژى یاریكه‌ران کاراسکۆ، خیمینێز، هێرێرا، ڤرسالیکۆ و تریپێر.

نوكه‌ چێلسى د ره‌وشه‌كا باشدایە و پشتى گهۆرینا راهێنەرى و وەرگرتنا پۆستێ راهێنەرێ وی تیمێ  ژ لایێ راهێنەری ئەلمانێ تۆماس توخێلی ڤه‌، د ڤان پێنج یاریێن پرێمەرلیگێ دا چێلسى چار سه‌ركه‌فتن و وه‌كهه‌ڤییه‌ك هەیە.