د. ئەحمەد سەفار بۆ خانی نیوز راگەهاند: د ڤان دوو رۆژێن بهێت دا دێ رێکەفتنا هەولێر و بەغدا هێتەکرن
بریاردەرێ لژنا دارایی ل پەرلەمانێ ئێراقێ دەربارەی رێکەفتنا هەولێر و بەغدایێ بۆ خانی نیوز دیارکر: دەرئەنجامێ گفتۆگۆیا ڤان دوو حەفتیێن بوری دا یێن شاندێ هەرێمێ دگەل بەغدا هەر دوو لا گەهشتینە رێکەفتنەکا راستەقینە، ب تنێ هندەک لایەنێن شیعی نەرازیبوون، لێ دوو رۆژە ئەو ژی د ناڤ خوەدا گەهشتینە رێکەفتنێ و رازیبووینە بەشێ بودجا هەرێمێ بکەنە د ناڤ پرۆژێ بودجەیا ئیراقێ دا.
د. ئەحمەد سەفار بریاردەرێ لژنا دارایی ل پەرلەمانێ ئێراقێ دەربارەی سەرەدانا شاندێ هەرێمێ بۆ بەغدا گۆت: گەشبینم د ڤێ سەرەدانێ دا رێکەفتنەکا راستەقینە بهێتەکرن، و ل ڤان دوو رۆژێن بهێت دا ل پەرلەمانی بهێتە پەسەندکرن.
ناڤبری خویاکر ژی: جێبەجێکرنا رێکەفتێ دێ بیتە هۆکارەک کۆ ئێدێ مووچەیێ فەرمانبەرێن هەرێمێ بیێ لێبرین بهێتە دابەشکرن و هندەک پارە بۆ وەبەرهێنانێ ژی دێ مینن.
خانی نیوز، عەبدوللا عەلی
