سه‌در.. مووشه‌ك هاڤێژێن به‌غدا سه‌ر ب به‌ره‌یێ مقاومێ ڤه‌‌نه

رێبه‌رێ ره‌وتا سه‌دری راگه‌هاند؛ ئه‌و گروپ و میلیشیایێن به‌غدا مووشه‌كباران دكه‌ن سه‌ر ب به‌ره‌یێ مقاومه‌نه‌.

موقته‌دا سه‌در، رێبه‌رێ ره‌وتا سه‌دری د توویته‌كى دا راگه‌هاند، هێرشێن مووشه‌كى یێن سه‌ر ب به‌غدا رۆژانه‌ زێده‌تر دبن و‌ مه‌ترسیێ ل سه‌ر گیانێ وه‌لاتیێن ئیراقێ دروست دكه‌ن، سه‌دری داخواز ژ وان گرۆپان كرییه‌ ئێدی زێده‌گاڤییان نه‌كه‌ن.

به‌ره‌یێ مقاومه‌ ژئالیێ كۆمارا ئیسلامى یا ئیرانێ دهێنه‌ پشته‌ڤانیكرن و ژ ده‌هان گروپ و میلیشیایێن چه‌كدارى یێن شیعه‌ مه‌زهه‌بێن ئیراقى و وه‌لاتێن بیانى پێك دهێت و به‌رده‌وام دژایه‌تییا ئیسرائیلێ و ئه‌مریكا دكه‌ن.‌