مه‌سرور بارزانى: مووچه‌یێ فه‌رمانبه‌ران ئەرکێ پێشینه‌یێ حكومه‌تێ یه‌

ئەڤرۆ سێشەمبى، 2021-2-23 مەسرور بارزانی سەرۆکا حکومەتا هەرێما کوردستانێ، ل گەل پارێزگارێن هەرێما کوردستانێ کۆم بوویه‌.

د وێ کۆمبوونێ دا كو قوباد تالەبانی جێگرێ سەرۆکێ حکومەتێ بەشدار بوویه‌، گوتۆبێژ دەربارەی کێشە و گرفتێن کارگێری و دارایی یێن پارێزگه‌هان و پلانێن حکومەتێ بۆ ئەنجامدانا پرۆژه‌یێن خزمەتگوزاری بۆ سالا 2021 هاتنه‌ كرن.

سەرۆکێ حکومەتێ ئاماژە ب هندێ دا حکومەتا هەرێمێ هەموو بزاڤێن خوه‌ خستینه‌ كار بۆ دابینکرنا مووچه‌یێ فه‌رمانبه‌رێن هەرێمێ، كو ئه‌ڤه‌ ئەرکه‌كێ پێشینەیێ حکومەتێ یه‌. گوتییه‌ ژى، گوتۆبێژێن وان د به‌رده‌وامن ل گەل حکومەتا فیدرالی بۆ دابینکرنا شایسته‌یێن دارایی یێن هەرێما کوردستانێ، د هەمان ده‌مدا ب وى داهاتێ ل به‌ر ده‌ست و د چارچۆڤێ بودجەیێ هەرێما کوردستانێ دا بۆ سالا 2021، درێژە ب ئەنجامدانا چەندین پڕۆژه‌یێن خزمەتگوزاری دهێته‌ دان ل سەرجەم پارێزگه‌هین هەرێما کوردستانێ.

ئه‌و كۆمبووونه‌ ب رێیا ڤیدیۆ کۆنفرانسى هاته‌ ئه‌نجامدان، پلانا حکومەتا هەرێمێ بۆ جێبەجێکرنا پرۆژه‌یێن پەرەپێدانا پارێزگه‌هان و ئەو پڕۆژه‌یێن وەزارەت ل پارێزگه‌هان ئەنجام ددەن ل سێکتەرێن ( باژێرڤانیێ، کارەبایێ، ساخله‌مى، چاندن، پەروەردە و رێگاوبان) بۆ سالا 2021 هاتینه‌ پەسەند کرن و ب داهاتێ بەردەستێ حکومەتا هەرێمێ دهێنه‌ ئەنجام دان و سه‌رجه‌مێ گشتی یێ وى کوژمه‌ى،  سێسەد و چل و نه‌هـ ملیار و حەفسەد و دو ملیۆن دینارن، ب ڤى ره‌نگى بۆ پارێزگه‌هێن هەرێما کوردستانێ هاتینه‌ تەرخانکرن:

– پارێزگه‌ها سلێمانیێ :

سەد و چاردە ملیار و سێسەد و پێنجى ملیۆن دینار.

– پارێزگه‌ها هەلەبجە:

سیهـ  ملیار دینار.

– پارێزگه‌ها هەولێرێ:

سەد و بیست و هەشت ملیار و سێسەد و پێنجى و دو ملیۆن دینار.

– پارێزگه‌ها دهۆکێ:

حەفتێ و حەفت ملیار دینار.

سه‌رجه‌مێ گشتی : سێسەد و چل و نه‌هـ ملیار و حەفسەد و دو ملیۆن دینار.