هرچەکێ ل گوندێ ئاشەوا ئەڤرۆ سپێدێ زیانێن مادی گەهاندینە چەند خێزانەکا و چار مریشک خارینە وهژمارەکا مێشێن هنگڤینی ژناڤبرینە.
ژیوار ئاشەوی ئاکنجیێ ئاشەوا بۆ خانی نیوز دیارکر: ئەڤرۆ شپێدێ ل دەمژمێر حەفت هرچەک هاتییە ناڤ گۆندێ وان زیانێن مادی گههاندینه وهلاتییان، ئەو هرچە ئێک ژ وان هرچایە یا کۆ بەری حەفتیەکێ ل چیایێ گارەى هاتینە ئازادکرن هاتییە د ناڤ گۆندێ ئاشەوا دا و چار مریشکێن گۆندییان خوارینە و هەژمارەکا مێشان ژی ژ ناڤبرینە.
ناڤبری گۆت ژی ئەو هرچە نها دناڤا کاڤلەکێ دایە و بوویە مەترسی ل سەر ژیانا وەلاتییان ب تایبەتی یا زارۆکان.
ژیوار دیاركر ژی، وان پەیوەندی ب پۆلیسان و ژینگەهێ کرینە کۆ بهێن ببەن، گۆت پشتی سێ دەمژێران پۆلیس گەهشتنە ناڤ گۆندی دا چارەسەریەکێ بۆ ببینن.
ژلاێ خوهڤه ژى بلند بریفكانى سهرۆكێ رێكخراوا كوردى – ئهمریكى بۆ خانى نیوز گۆت: پشتى ئهو هاتینه ئاگههاداركرن كو ئێك ژ وان هرچێن كو وان بهرى چهند رۆژهكان ئازادكرى چوویه ناڤا گوندێ ئاشهوا دا، وان تیمهكێ خوه فرێكریه و بۆ جههكێ دى یێ چیایێ گارهى ڤهگوهاستییه.
بریفكانى گۆت ژى: بهلكى دووباره ئهو هرچ ڤهگهرنهڤه وان گوندان، لێ ئهو هرچه پێدڤى ب ههیڤهكێ یه ههتاكو فێرێ ژینگهها خوه ببنهڤه و خوه ل گهل هرچێن كیڤى بگونجینن.
ههروهسا گۆت ژى: ههموو وان هرچێن وى ئازادكرین ب سلامهتن و هیچ ژ وان نههاتینه كوشتن، ئهوێن د سۆشیال میدیایێ دا دهێنه گۆتن راست نینه و هیچ هرچهكێ وێ دهڤهرێ ژ لایێ خهلكى ڤه نههاتینه كوشتن.
سهرۆكێ رێكخراوا كوردى – ئهمریكى دوپاتكر، كو ئهو دێ سالا بهێت پرۆژهیێ ئازادكرنا هرچان د ناڤا سرۆشتێ كوردستانێ دا زێدهتر لێكهت و هژمارا هرچان ژى پتر لێكهت.
خانى نیوز، عهبدوللا عهلى
