سۆتنا پاشماوەیان ل ئاکرێ یا بوویە جهێ گلەییا وەلاتییان، هەڤوەلاتییەکێ تاخێ شۆره‌ش ب ناڤێ سایب سالح بۆ خانی نیوز دادیارکرن کو سۆتنا کەل و پەل و پاشماوەیان ل ڤێ تاخێ یا بوویە جهێ بێزارییا زۆرا وەلاتییان و سەرباری بێهنا نەخۆش و دوکێلا کوژەک ئەڤ دیاردە بۆ چەندین جاران دووبارە دبیت، دخوازن ژ لایەنێن پەیوەندیدار چارەسەر یەک بۆ ڤێ پرسێ بهێتە دیتن.
بلند عبدالقادر بەردەڤکێ سەرۆکاتییا باژێرڤانیا ئاکرێ بۆ خانی نیوز دیاركر: وان گرێبەست دگەل کۆمپانییەکێ ب ناڤێ MRF هەیە کو ئەو ب کارێ پاقژکرنا قەزا ئاکرێ رابیت و باژێرڤانییا ئاکرێ سەرپەرشتییا ڤێ چەندێ دکەت.
گۆت ژى: بۆ دیارده‌یا سۆتنا پاشماوەیان ل نزیک تاخێ شورش وان داخواز ل کۆمپانیا جێبەجێکار کرییە کو چارەسەرییا وێ پرسێ بکەن کو کارگەها ریسایکلینێ هەیە ل ئاکرێ ب وێ رێکێ دڤێت پاشماوە بهێتە کۆمکرن، ئەگەر ئەڤ پرسە نەهێتە چارەسەرکرن دێ ب فەرمی هۆشداری ب وانا هێتە دان و رێکارێن دیتر دێ دگەل هێنە هاڤێتن.
بەردەڤکێ سەرۆکاتییا باژێرڤانییا ئاکرێ گۆت ژى: رێڤەبەرییا دارستان و پاوانان ژی ل دۆر ڤێ ئێکێ هاتینە هایدارکرن کو رێک ل ڤێ دیاردا نە جوان بهێتەگرتن کو ل نزیک دارستانا شۆره‌ش ئەڤ چەند جارە ئەڤ کارە دووبارە دبیت دیسان دخوازن کو ئەوێن ب ڤی کاری رادبن رێکارێن یاسایی دگەل وان بهێنە هاڤێتن.
خانى نیوز، زێره‌ڤان ته‌مۆ
