<h3 style="text-align: justify;"><span style="font-size: 18pt;">پشتى نیڤرۆیا ئهڤرۆ چارشەمبى، 24 شواتا 2021 نێچیرڤان بارزانى، سەرۆکێ هەرێما کوردستانێ، پێشوازی ل ماتیۆ توولەر، بالیۆزێ ئەمریکا ل ئیراقێ کر، د کۆمبوونەکێ دا دووماهى پێشهاتێن ئەمنى و سیاسی یێن ئیراقێ و هێرشێن سەر هەولێرێ، پاشى یێن بەلەد و بەغدا هاتنه گۆتوبێژ كرن، جەخت ل گرنگی و پێدڤییا هەماهەنگیێ د ناڤبهرا لایەنێن پەیوەندیدار ل ئیراقێ و هەرێما کوردستانێ كر، بەردەوامییا هاریکاریێ و پشتگیرییا ههڤپەیمانییا نێڤدەولەتی بۆ بەرهنگاربوونا تیرۆرێ و پاراستنا ئارامى و سەقامگیریێ هاته كرن.</span></h3> <h3 style="text-align: justify;"><span style="font-size: 18pt;">د راگەهاندنهكا سەرۆکاتییا هەرێما کوردستانێدا هاتییه، بالیۆزێ ئەمریکا پابەندییا وهلاتێ خوه ب بەردەوامییا دیالۆگا ستراتیژییا ئەمریکى ـ ئیراقى دوپاتکرییە و سەرۆک نێچیرڤان بارزانی ژى دیالۆگا ستراتیژیی وەکو چارچۆڤهكێ گرنگ بۆ وان پەیوەندیێن ئەمریکا ل گەل ئیراق و هەرێما کوردستانێ ل قەلەم دا.</span></h3> <h3 style="text-align: justify;"><span style="font-size: 18pt;">هەر د وێ کۆمبوونێ دا، سەرۆکێ هەرێما کوردستانێ دوپاتکرییه، ئهو خوازیارێ پەیوەندییەکا ساخلهم و کارانه ل گەل حکومەتا فیدرالى یا ئیراقێ و ئهو د ئامادەنه کێشهیان ل سەر بنەماىێ دستوورى چارەسەر بکەن.</span></h3> <h3 style="text-align: justify;"><span style="font-size: 18pt;">رهوشا هەرێما کوردستانێ و گرنگیىا ئێکرێزییا لایەنان، دووماهى پێشهاتێن بهلاڤبوونا ڤایرۆسێ کۆرۆنایێ و بزاڤێن وان بۆ دابینکرنا ڤاکسینان، هەلبژارتنێن بهێن یێن ئیراقێ و هاریکارییا نەتەوهیێن ئێکگرتى و جڤاكێ نێدەولەتى د ڤى وارى دا، رێککەفتنا حکومەتا هەرێما کوردستانێ و حکومەتا فیدرال بۆ ئاساییکرنا رهوشا شنگالێ، رهوشا دەشتا نەینەوا و چەند پرسێن دیتر د وێ كۆمبوونێ دا هاتنه بهحس كرن.</span></h3>
