جڤاتا نوونه‌رێن ئیراقێ دی ڤه‌كۆلینان ل سه‌ر زێده‌بوونا هیزێن هه‌ڤپه‌یمانییا باكوورێ ئه‌تله‌سێ، ناتۆیێ ل وه‌لاتێ خوه كه‌ت.
مالپه‌رێ ئه‌لمه‌علوومه ژ زارده‌ڤێ ژێده‌ره‌كى به‌لاڤكرییه، رۆژا پینج شه‌مبیێ لژنا ئاسایش و به‌رگرییێ ل په‌رله‌مانى دی مێهڤاندارییا قاسم ئه‌عره‌جى، شیره‌تكارێ ئاسایشا نه‌ته‌وه‌ى یا ئیراقێ كه‌ت و دێ گۆتۆبێژان ل دۆر زێده‌بوونا هێزێن ناتۆیێ ل ئیراقێ كه‌ت.
وى ژێده‌رى دیار ژى كرییه، خواسته‌ك ل په‌رله‌مانێ ئیراقێ بۆ رێگرتنێ ل زێده‌كرنا هێزێن بیانى ل ئیراقێ ب به‌هانه‌یا مه‌شقدانا هێزێن ئیراقى هه‌یه.
یێنیس سۆلتنبێرگ، ئه‌میندارێ گشتى یێ ناتۆیێ ل رۆژا پێنج شه‌مبیێ راگه‌هاند، وان بریارا زێده‌كرنا هێزێن ناتۆ ل ئیراقێ ژ 500 شیره‌تكارێن سه‌ربازى بۆ 4 هزاران دایه.
