جۆتیار عادل پهیڤدارێ حكومهتا ههرێما كوردستانێ د كۆنفرانسهكێ رۆژنامهڤانى دا راگههاند، د كۆمبوونا جڤاتا وهزیران دا بهحسێ چوار تهوهرێن سهرهكى هاته كرن.
جۆتیار عادل پهیڤدارێ حكومهتا ههرێما كوردستانێ دیاركر: ئهو ب هیڤینه و د پشتراستن دێ دگهل بهغدا گههینه رێككهفتنهكێ و ئهم د ئامادهینه ل دووڤ دهستوورى ئهوێ ل سهر مه جێبهجێبكهین.
ههروهسا ئاماژه ب هندێ ژى دا، كو ههرێم دێ یا پابهند بیت ل سهر وان ههموو وان پابهندیێن د دهستورى دا هاتین، و بهرى نووكه ژى ههرێم یا پابهنده ب دهستوورى، ههر دهمهكێ پێدڤى بوو دێ شاندێ مه سهرهدانا بهغدایێ كهت داكو بگههنه داوى رێككهفتن.
ل دۆ پرسا لامهركهزییهتێ دیاركر ژى كو لامهركهزیهت د بهرژهوهندییا ههموو كوردستانێ یه، د بهرژهوهندییا ههموو خهلكى وێ دایه و ل دووڤ یاسایێن دهێنه دانان، ئاشكرا ژى كر كو دووماهیك كۆمبوون ل سهر رێكارێن كۆرۆنایێ هاتنه بهحسكرن و دێ رێكارێن ساخلهمیێ تووند تر لێهێن، و دووماهیك كۆمبوون ژى نینه، چونكى ل دووڤ ههلسهنگاندنێ دێ كۆمبوونهكا دى هێته كرن.
ئاشكرا ژى كر كو د ماوهیهكێ نێزیك دا ڤاكسینێ كۆرونایێ دێ گههیته ئیراقێ و پشكا ههرێمێ ژى د گهلدایه، سهبارهت لێبرینێ ژى ئهو حهز دكهن 100% مووچه بهێته دان، بهلێ وان پرۆژه ههنه و ل دووڤ داهاتێ حكومهتێ دهێته دان و ئهنجامێ بلند بوونا بهایێ دۆلارى ژى كارتێكرنا خوه ههبوو.
جۆتیارى دیاركر ژى، كو پهیوهندیێن وان ل گهل ههموو پێكهاتهیێن ئیراقێ د باشن و ئهو دگهل ههر دهستپێشخهرییهكێ نه و ل دهمێ سهرهدانا بهرێز عهمار حهكیم بۆ كوردستانێ دهستپێشخهرییا خوه بۆ وان دیاركرى و وان ژى ل بهرچاڤ وهرگرتى، بۆ سهرهدانا پاپایى ژى دێ سهرهدانهكا مێژوویى بیت، دێ رێكارێن تایبهت ههبن.
