مه‌سرور بارزانى، سه‌رۆكێ حكومه‌تا هه‌رێما كوردستانێ د رێوره‌سمێن ڤه‌كرنا جادا 150 مه‌ترى ل هه‌ولێرێ دیاركر، وان هه‌ست ب گرنگییا ڤى پرۆژه‌یى كریه، داكو د خزمه‌تا وه‌لاتیێن باژێرێ هه‌ولێرێ دابیت، و ئاسانكارى بۆ كارێن بازرگانى بهێته كرن و هه‌ولێرێ ب پارێزگه‌هێن دى ڤه بهێته گرێدان.
مه‌سرور بارزانى گۆت ژى، ئه‌و ده‌ست خوشیێ كۆمپانییا هێمن گرۆپ دكه‌ن كو ب شێوه‌یه‌كێ رێك و پێك و جوان ئه‌ڤ جادا مودرێن دروست كرى، ژبه‌ر ره‌وشا دارایى و قه‌یرانان ئه‌م نه‌شیاین ته‌مویلا هه‌موو كه‌رتان بكه‌ین و ئه‌و د هاریكاربوون و ره‌وش ل به‌رچاڤ بوو، و سوپاسییا كۆمپانێن تایبه‌ت دكه‌م ب تایبه‌ت هێمن گرۆپ كو ل سه‌ر شیانێن خوه وان ئه‌ڤ پرۆژه ته‌مام كرییه، و هه‌ر گاڤا ره‌وش باشبوو هه‌موو ئه‌و شایستێن دارایى بۆ دێ ڤه‌گه‌رنه ڤه.
سه‌رۆكێ حكومه‌تا هه‌رێما كوردستانێ داخوازییه‌ك ژ شوفێران كر و گۆت: ئه‌و داخوازێ ژ شوفێران دكه‌ت كو جادێ د ب دروستى بكاربینن هزرا خوه و یێ به‌رامبه‌ر و خوه بكه‌ن و به‌رپرسیاره‌تیێ وه‌ربگرن.
هه‌روه‌سا ئاماژه ب هندێ ژى كر، كو هنده‌ك ژ وان قه‌یرانان د سرۆشتى بوون و كێمبوونا بهایێ نه‌فتێ، به‌لێ ئه‌ڤه نه‌بوو ئه‌گه‌ر ئه‌و ب راوه‌ستن ئه‌و دێ د به‌رده‌وامبن ل سه‌ر چاكسازیێ، و وان سۆز دایه وه‌لاتییان كو چاكسازى ل دووڤ یاسایێ دێ د به‌رده‌وام بن.
و دیاركر ژى كو نه‌حه‌زێن هه‌رێما كوردستانێ هه‌ولا تێكدان و سه‌قامگیرییا هه‌رێما كوردستانێ د ده‌ن، و پلانێن وان سه‌رنه‌گرتن. ئه‌و ئه‌ركێن خوه دكه‌ن بۆ ئاڤه‌دنكرن و ساقامگیرییا هه‌رێمێ.
ئاشكرا ژى كر و كو چه‌ند كۆژمه پاره‌یه‌ك بۆ هه‌ر پارێزگه‌هه‌كێ هاتینه ته‌رخانكرن، بۆ پرۆژه‌یان و ل دووڤ یاسایا پرۆژه بودجه‌ی هاتییه دانان.
سه‌باره‌ت هێشا ل سه‌ر فرۆكاخانا هه‌ولێرێ سه‌رۆكێ حكومه‌تا هه‌رێمێ دیاركر كو، فرۆكانه‌یا هه‌ولێرێ بوویه ئارمانجا ده‌ستێ تیرۆرێ و تێكدانا سه‌قامگیرىێ هه‌ر ل وێ رۆژێ ده‌زگه‌هێن ئاسایشێ ب ئه‌ركێن خوه رابووینه بۆ هندێ وان تاوانباران ده‌ستنیشانبكه‌ن و شیان رۆژ بۆ رۆژێ زانیاریێن زێده‌تر بینن، ده‌ستكه‌ڤتێن زۆر باش و ئه‌نجامێن زۆر باش هه‌بوون، و ئه‌و زانیارى وان دگه‌ل هه‌ڤپه‌یمانان گۆتوبێژ كرینه و ڤه‌كۆلین د به‌رده‌وامن، وان دڤێت بێژنه خه‌لكى كو د ده‌مه‌كێ نێزیك دا دێ وان هه‌والێن باش بۆ خه‌لكى هێنه راگه‌هاندن.
