سەرۆکێ حکومەتا هەرێما کوردستانێ پێشوازیی ل جێگرێ وەزیرێ دەرڤهیێ ئەرمەنستانێ كر و پیرۆزباهی ب ڤهكرنا کونسوڵخانا گشتیی و ناڤەند ڕۆشنبیرییا ئەرمەنی ل هەولێر کر.
ئەڤڕۆ پێنجشەمبى 2021-2-25 مەسرور بارزانی، سەرۆکێ حکومەتا هەرێما کوردستانێ، پێشوازی ل ئارتاک ئاپیتۆنیان، جێگرێ وەزیرێ دهرڤهیێ ئەرمەنستانێ کر، د دیداركێ دا کو باڵیۆزێ ئەرمەنستانێ ل ئیراقێ و کونسوڵی گشتی ل هەولێرێ ئامادە بوون، گهشهپێدانا پەیوەندیێن مێژوویی د ناڤبهرا هەرێما کوردستانێ و ئەرمەنستانێ هاته گۆتوبێژكرن
جێگرێ وەزیرێ دهرڤهیێ ئەرمەنستانێ، بۆ ب هێزکرنا پەیوەندییان دگەڵ هەرێما کوردستانێ ل گشت بواران دا، خواست و ئامادەییا وهڵاتێ خوه نیشان دا، ههروهسا سوپاسییا هەرێما کوردستانێ ژى کر بۆ گرنگیدانا وان ب پێکهاتەیێن ئەرمەنی ل هەرێما كوردستانێ کو نوونەرایەتییا وان ل پەرلەمانێ کوردستانێ هەیە و وەک گشت پێکهاتەیێن دى تر، مافێن وان د پاراستى نه.
سەرۆکێ حکومەتا ههرێما كوردستانێ پیرۆزباهى ب ڤهكرنا کونسوڵخانەیا گشتیی و ناڤەندا ڕۆشنبیرییا ئەرمەنیی ل هەولێرێ کر، ههروهسا هیڤی خواست کو هاندەرهکێ زیدهتر بن، بۆ موكومكرنا پەیوەندیێن د ناڤبهرا هەرێما کوردستانێ و ئەرمەنستانێ.
