ئه‌ڤرۆ 25 شوباتا 2021 د رێوره‌سمه‌كێ ل هه‌رلێرێ مه‌سرور بارزانى سه‌رۆكێ حكومه‌تا هه‌رێما كوردستانێ به‌شه‌كێ جاده‌یا 150 مه‌ترى ل هه‌ولێرێ ڤه‌كر و باس ل گرنگییا وى پرۆژه‌ى بۆ خزمه‌تكرنا هه‌ولێرێ و كوردستانێ كر.
سه‌رۆكێ حكومه‌تێ د به‌شه‌كێ گۆتارا خوه‌دا باس ل هێرشا سه‌ر هه‌وڵێرێ كر و راگه‌هاند: هه‌ر ل رۆژا هێرشێ ده‌زگه‌هێن ئیمناهییێ و لایه‌نێن به‌رپرس ل هه‌رێما كوردستانێ كاره‌كێ بله‌زكرن كرن بۆ هندێ بشێن تاوانبارێن وێ هێرشێ ده‌ست نیشان بكه‌ن.
مه‌سرور بارزانى گۆت ژى: پشتى ڤه‌كۆلینێ سه‌ره‌داڤێن باش كه‌ڤتنه ده‌ستـێ وان و شیان زانیاریێن پتر ل سه‌ر وان لایه‌نان ب ده‌ستڤنه بینن كو هێرش كرین، گۆت ژى ڤه‌كۆلینێن وان ده‌ستكه‌ڤت و ئه‌نجامێن باش هه‌بووینه و وان ئه‌و زانیارى داینه حكومه‌تا ئیراقێ و هێزێن هه‌ڤپه‌یمان.
