ئیدارەیا دەرمان و خوارنێ ئەمریکا راگەهاند؛ کۆمپانیا جۆنسن ئەند جۆنسن گەهشتە قۆناغا داویێ یا به‌رهه‌مئینانا ڤاكسینێ سیێ یێ دژی كۆرۆنا و كارتێكرن و سلامەتییا وى ڤاکسینى ژ 85% بوورىیه.
ئیدارەیا ئەمریکا ئاماژه كر، ل چەند رۆژێن بهێت ئەڤ ڤاکسینە دێ ل ئه‌مریكا هێته په‌سه‌ندكرن و سوبه رۆژا ئه‌ینى كۆمبوونه‌كا تایبه‌ت دێ هێته كرن ژ بۆ ده‌ستویردانا به‌لاڤكرنا ڤاکسینێ ل ئەمریکا، جۆنسن ئەند جۆنسن دێ بیته ڤاكسینێ سیێ پشتى فایزەر و مۆدێرنا یێن ل ئەمریکا هاتینه په‌سه‌نكرن و ژبلى ئەمریکا، ئەوروپا، بریتانیا و کەنەدا دشێن ڤاکسینێ سیێ ب ده‌ستڤه‌بینن.
ل گۆره‌ى ڤه‌كۆلینێ، ڤاکسینێ جۆنسن ئەند جۆنسن شیایه رێگریێ ل تووشبوون و نیشانێن دژوار یێن ڤایرۆسێ کۆرۆنایێ بگریت و ئه‌ڤ ڤاكسینه ل برازیل و ئه‌مریكا باشوور ژى هاتییه تاقیكرن.
