سەرۆکێ ئەمریکا ب تێلەفۆنێ دگەل سەلمان بن عەبدولعەزیز، شاھێ سعودیێ ئاخفتن، د پەیوەندیێ دا بەحس ل رەوشا مافێ مرۆڤی ب گشتی و کوشتنا جەمال خاشوقچی، رۆژنامەڤانێ سعودیێ کر. ل دووڤ زانیاریێن میدیایی د پەیوەندییا تێلەفۆنی دا بایدن جەخت ل گرنگییا پرەنسیپێن پاراستنا مافێ مرۆڤی و سەروەرییا یاسایێ کر.
پەیوەندییا تێلەفۆنییا بایدنی پشتی خواندنا راپۆرتەکا ئەمریکێ تایبەت ب کوشتنا خاشوقچی ھات کو چاڤەرێ دھێتەکرن بھێتە بەلاڤکرن و پێشبینی دھێتەکرن تێدا محەمەد بن سەلمان، شازادێ جھنشینێ سعودیێ ب بەرپرس د کوشتنا خاشوقچی دا تۆمەتبار کربیت.
جەمال خاشوقچی، ل سالا ٢٠١٨ ل کۆنسوڵخانا سعودیێ ل ئیستەنبۆلێ ھات کوشتن. دادگەھا سعودیێ ژی ٥ کەس وەکو تاوانبار دەستنیشانکرن و ل دووڤ دادگەھکرنا وان ھەر ئێک ژ وان ب ٢٠ سالان ھاتە کرن.
