ئێك ژ كرێكارێن باخچێ گیانهوهران ل ئیسپانییا ژبهر لێدانا فیلهك ب لمبیسێ ب سهرێ وى كهفت، گیانێ خوه ژدهستدا، زهلام تهمهن 44 سال بوو پشتى ڤهگوهاستنا وى بۆ نهخۆشخانێ گیانێ خوه ژ دهستدا.
كارمهندێن باخچێ گیانهوهران كابارسینو دكهڤیته نێزیك باژێرێ سانتاندێرى ئیسپانى وهك كارێ رۆژانه مژیلى پاقژكرنا باخچهى بوو. ل وى دهمى دا فیلهكا مێ كو كێشا وێ زێدهتر 4400كیلۆگرام ب لمبیسا خوه ل كرێكارى ددهت سهرێ وى ب سیاجهكى نێزیك جهێ روودانێ دكهڤیت.
ب گوتنا كاربدهستێن باخچهى كرێكار ب گرانێ برینداربوو، پشتى ڤهگوهاستنا وى بۆ نهخۆشخانێ گیانێ خوه ژ دهستدا.
فرانسیسكۆ خاڤیێرا وهزیرێ گهشت و گوزارێ ل حكومهتا ههرێما كانتابریا زێرهڤانییا وى باخچهى دكهت، ل بارێ رویدانێ دبێژیت، ئهو فیله ل گوتێرێز ئهرنێز تووشى هنگافتنێ ببوو ئهگهر ههیه دوگیان بیت، كرێكارى چارهسهرییا پێ فیلى دكر ل وى دهمى روودان درست بوو
باخچێ گیانهوهرێن كاپارسینو بهرى 31 سالان هاتییه درستكرن، نێزیكى 120 جۆرێن گیانهوهران تێدانه وهك فیل، شێر، پلنگ، كهنغهر.
گورێلایهكێ سالا بورى هێرشی كره سهر زێرهڤانهكێ 46 سالى ل باخچێ گیانهوهرێن مهدرید، تووشی شكهستنا دهست و پێیا بوو و برینهك ل سهرێ وى بوو.
