حکومەتا ئیراقێ لیستا پێدانا ڤاکسینێ کۆرۆنایێ راگەھاند

وەزارەتا ساخلەمی و ژینگەھا ئیراقێ راگەھاند؛ سوبە ڤاکسینێ کۆرۆنایێ دێ گەھیتە ئیراقێ و ل دەستپیکێ دێ ھەشت گروپێن وەلاتیان ڤاکسینی وەرگرن.
لدووڤ نڤیسارەکا فەرمی یا وەزارەتا ساخلەمی و ژینگەھا ئیراقێ، ڤاکسینێ دژی کۆرۆنایێ دێ ل دەستپێکێ دەنە کارمەندێن ساخلەمییێ.
ھەروەسا گروپێ دویێ یێ کۆرۆنایێ وەردگرن، کەسێن دانعەمرن، ل گەل گروپێن توشبوویێن نەخۆشێن درێژ خایەن، ھەروەسا ئەوێن سەر ب تۆرا پاراستنا جڤاکی، ل گەل کۆچبەر و ئاوارێن کەمپان.
گرووپێ پێنجێ پێکھاتییە ژ کارمەندێن خانەیان، وەکو خانێن بێسەرپەرشتان و خانێن پیران، ھەروەسا کارمەندێن بەندیخانان.
گرۆپێ شەشێ کارمەندێن ھێزێن ئاسایشێ، گرۆپێ حەفتێ تووشبوویێن نەخۆشێن شێرپەنجێ و لاوازیا بەرگریێ، گروپێ ھەشتێ کارمەندێن دەروازێن سنووری، وێستگەھێن ڤەگوھاستنێ و خواندنگەھان، رۆژنامەنڤیسان و کارمەندێن خوارنگەھان و زیندانییان.