ب ئامادەبوونا ھژمارەکا بەرپرسێن حکومی یێن ھەرێما کوردستانێ و پارێزگەھا سلێمانیێ و سنە، ئەڤرۆ دەرگەھێ سنووری یێ سەیرانبەن دناڤبەرا بانە و پێنجوین دا ب فەرمی ھاتە ڤەکرن.
ئیسماعیل رۆستەم پوور، قایمقامێ بانە راگەھاند؛ نھا ب شێوەیەکێ فەرمی دێ لێکگوھارتنا بازرگانییا وی دەرگەھێ سنووری ھێتە کرن و بڕیارا ھاتوچوونا گەشتیاران ژی ھاتییە دان.
دەرگەھێ سەیرانبەن ب دووراتییا ٢٥ کیلۆمەتران دکەڤیتە رۆژئاڤایێ باژێرێ بانە و ل سالا ٢٠٠١ وەکو دەرگەھەکێ نە فەرمی ھاتبوو ڤەکرن و لێکگوھارتنا بازرگانی تێدا دھێتە کرن.
ئەڤرۆ پارێزگارێ سنە راگەھاند، ئاستێ لێکگوھارتنا بازرگانی ل وی دەرگەھی نھا ٢٣٠ ملیۆن دۆلارن و وان شیان ھەنە ئاستێ وێ لێکگوھارتنێ بگەھیننە ملیار دۆلاران.
دەرگەھەکێ دی یێ سنووری دناڤبەرا ھەرێما کوردستانێ و ئیرانێ دا ھاتە ڤەکرن
